بس الهـوى ماينقســم

قالت ابي تكتب قصيده لو تقل حروفها
..................... قلت المداد وصفحة الاشعار عندك والقلم

قالت كأنك ماانت شاعر هاتها بنشوفها
................... قلت الشعر مع شاعره ماهم عبيد ولاخدم

تري القصيدة ياالغلا مرهونة(ن) بظروفها
.................... مثل الفرح مايكتمل لاصار يصرعه الألم

الله على الماضي وبنت(ن) حركت نفنوفها
............ صار العدم منها وجود(ن) والوجود اصبح عدم

ماعاقها كثر الملام ولاثناها خوفها
....................... كانت هي الالهام والاشعار كله والكلم

اطرب لها واكتب لها لاصفقـّـت بكفوفها
.................. ماادري اعيشه واقعه والا على حالة حلـم

لكن على طول الزمن ماانسى انا معروفها
............عرفت انا بعض الهوى لو كان طود(ن) ينحطم

والشوق حرب(ن) لاغزا تقبل ترج دفوفها
........................مايرحم المشتاق لو ذرّه ليا منـّه هجم

تلقى النفوس مصرعـّه اقلوبها في جوفها
.................ميـّت لو انه واقف(ن) أو دوّجـت فيه القدم

والحب قصه محزنه من قاربه ملقوفها
..................مار البلا اللي مبتلى مزروع في دربه لغم

واحد(ن) يحب النار يقرب حولها ويحوفها
...............وان كان هي به ولـعـّت عز الله انـّه ماسلم

والا الذي حبه تحطه عندها برفوفها
..................واللي مكانه مايطب القلب حب(ن) مايهم

الله يعيـن العاشق اللّي دمعتـه ذاروفها
....................ليا تذكـّر صاحبه من فوق خدينه سجم

وين الليال الخالده ذكراه كثر صفوفها
........... وليا احتشد بالقلب شي(ن) يذكره منه انهشم

ترى المحبه غاليه واغلى بعد مصروفها
.........مصروفها ماهو ذهب مصروفها روح(ن) ودم

لاتخـْدعـك من يدعيها باختلاف طيوفها
............ ..مثل المسلسل حبهم ياصاحبي هوّ والفـِلـِم

راع الهوى فيمن هوى مجنونها مشغوفها
................لو ينقسم قلبه هوى بس الهوى ماينقسم

والحب فيه انواع معروفه تعرف صنوفها
............. اهل الصنوف اللي تعرف الاصلي ابليّا ختم

طالت قوافي ماحسبت حساب كثر حروفها
.................حركت كفـّي وانتثر حبـر القصايد واحتدم

هذا هو الشاعر وراه اشباح معـْها سيوفها
..................لاراحت الاشباح عن كتفه لقيفانه ختم


ارجو الموضوع ينال اعجابكم

مشكوووور اخوي زياد

اكيد نال اعجابنا اتمنى منك مزيد من الابداع
جزاك الله الجنان يارب

يعافيك ربي اخوي


الصراحه نال اعجابنا الشر قمه في الوعه

يسلموووووووو اخوي على القصيده
وصح السانك

رووووعه قصيده روووعه بمعنى الكلمه روعه

يعافيك ربي زياد ويزيد من امثالك

وننتظر جديدك