جوهرة من جواهر الشعرللشاعر عبدالله بن زويبن الحربي

جوهرة من جواهر الشعرللشاعر عبدالله بن زويبن الحربي

-----------------------------------------





سمعت لي كلمة مدري وش اقصاهـا
حزت بنفسي وأنـا مانيـب هارجهـا
لوكـل كلمـة إلىجتنـا طردنـاهـا
بعنـا الثمينـة بسعـر مايخارجهـا
لو مـرت السمـع ماكنـا سمعناهـا
ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا
والناس واجد وتلقـى مـن يروجهـا
من جابهـا بيـن خلـق الله وداهـا
لو به مراجل ترى نفسـه يسمجهـا
ومن عامل الناس في سابق خطاياها
يقعـد بـدار خـلا مـاداج دايجـهـا
في كنة تشوي الجربـوع رمضاهـا
وتابس غصون الشجر من حر واهجها
والناس بالحق حكم الشيخ ما أرضاها
ماتقنع النـاس لـو انـك تحججهـا
ياللي تبا الطيبـة خذهـا وعطناهـا
وخـل الطريفـة طريـة لا تثلجـهـا
وأقضب طريق الأوادم وامش ممشاها
أتبع دروب العـرب وأدرج مدارجهـا
وأرسـم لنفسـك حـدود ولا تعداهـا
من حط نفسه بدرب الضيق يحرجهـا
وان كان نفسك هواها قـام ينحاهـا
حط الأعنة بروس الخيـل وأسرجهـا
وفكـر بمنكافهـا قــدام مغـزاهـا
واضرب حساباتها وتشـوف ناتجهـا
وكل بعضده يمـوح الدلـو برشاهـا
وتلقى كبود الضوامي مـن يبرهجهـا
وان كان توك على صـدرك تهجاهـا
حنـا ترانـا نـدرس فـي مناهجهـا
من يـم مصباحهـا نبعـد معشاهـا
إلى قعـد راعـي الضلـع يدرجهـا
لو هي صعيبة إلى انعاجـت عدلناهـا
واللي تجي مستقيمة مـا نعروجهـا
نهتم فـي وزنهـا وابـرام معناهـا
ومـن الكرستـال واللولـو نتوجهـا
مثل الجواهـر ليـا منـا نضمناهـا
وسلوكها من جديد الـزري ننسجهـا
مخايـل تردتـدم والصـدر منشاهـا
لا دك بالـبـال داكــوك يهيجـهـا
وليا أمطرت ضاقت الوديان في ماهـا
تاخذ إلى الحول ما يبسـت مدالجهـا
وان صدت الناس عنا ما أعترضناهـا
مـا تقفـي النـاس عنـا ونتولجهـا
وإن جاتنا الطيبـة بالطيـب زدناهـا
الطيبة بالعسـل والسمـن نمزجهـا
وان جاتنا الثانيـة نصبـر ونرفاهـا
يمكن إل ى فـاق راعيهـا يعالجهـا
وان عادها عـودة ماعـاد ينساهـا
من حربة في صميم الصـدر نولجهـا
مسمومـة يبلـش الدكتـور بدواهـا
مايقنع الخبـل ليـن أنـه يلامجهـا



منقووووله


اتمنى ينال على اعجابكم

تسلمي على القصيده

شعر جدا جدا حلو ومشكوره اختي

الشكر لكم اخوواني

اسعدني مروركم

القصيدة مرررررررررررررررررره روعه يسلموووو رنوده

مشكووورين

الله لايحرمني منكم

قصيده في قمة الامتياز مشكوره خيتو

الله يعطيك العافيه

الله لايحرمنا من جديديك

أخوكم بوصلوح

الله يعافيك ويعافي كل المووجودين

تسلمون لي خواني


اسعدني مروركم

حلو الشعر مشكوره كثير اختي رنوده
تسلملي الايادي
يعطيك العافيه





((اللهم بلغنا رمضان )))

ننتظر مواضيعك الجديده

يسلموووووووووووووووووووووووووو

الف شكر لك اختي

مشكورة اختي رنوده

والله لا يحرمنا من جديدك

ربي لا يحرمني منكم انشاء الله

اسعدني مروركم

واكيد الحلو ما يجب الا القصايد الحلوة

هع هع هع

احلى على الثقة والله ما اقدر انا